It ferhaal fan HULDE!
Geartsje en Arend binne sechtich jier troud, dus hieper-de-piep hoera, dat moat
fansels fierd wurde, no’t dat noch kin.
Wannear sy yn it hierde sealtsje binne, sjonge de bern en bernsbern harren ta
en dogge it ABC fan it libben.
Nei sechstich jier is der fansels hiel wat om op werom te sjen. It stel hat tegearre hiel wat meimakke, fan historyske bewegingen oant en mei persoanlike drama’s.
En mei tank tank oan de bern en bernsbern komme al dy oantinkens wer ta libben.
Dat bringt Arend en Geartsje werom yn de tiid fan doe’t se jong wiene en elkoar foar it earst seagen De earste tút, de rôze wolk mar ek de kreamtriennen, de ferhuzing, ûntslach en sykte. Flower power, frije seks, it lege-nestsyndroom,  ûntslach en sykte dy’t slûpende wei samar tusken je yn stean kin. En sa glidet it hiele libben foarby mei dêrby de muzyk fan dy tiid dy’t dêr by hearde
Tegearre mei Geartsje en Arend dwaalt it publlyk troch it doalhof fan it libben en ûnthâld. Al dy oantinkens rinne fansels lykop mei in protte selsrefleksje.
Binne sy wol sa gelokkich as sy tinke? Soene  sy saken oars dwaan as sy werom koene yn de tiid? En hoe soe harren libben der út sjoen ha, as sy oare keuzes makke hiene?

“HULDE! sit fol romantyk, drama en humor, mar foaral in hiele protte wurklikheid…”

De premjêre fan Hulde! is op 9 jannewaris 2027 op It Hearrenfean en
dêrnei rûnom yn de provinsje te sjen. ‘It is in feestje…’

Yntusken hat J&Mteaterwurk in rige fan 32 foarstellingen foar folwoeksenen spile en 5 foar middelbere skoallen. Mei nocht en wille sjocht J&Mteaterwurk werom op dizze sa bysûndere spylperioade. Mei dizze foarstellings ha wy rûn de 4.000 taskôgers helle.
Wêrfan in bytsje mear as 300 leerlingen.
Hoewol it altyd dreech bliuwt om skoallen motifearre te krijen foar foarstellingen, slagge it om 5 foarstellings te spyljen foar it middelber ûnderwiis. Earst wiene der yntroduksjelessen op skoalle jûn troch Jan en Marijke en gastspiler Thijs Meester. Mar der wie ek materiaal fan it 4 en 5 maaie kommitee dy’t spesiaal lesmateriaal ûntwikkele ha foar middelbere skoallen, wêr de leerkrêften fan de bypassende fakken mei oan de slach koene op skoalle.

Wy kinne stelle dat de foarstelling kwalitatyf fan in heech nivo wie.
Dit kaam mei troch de gearwurking mei koar en muzyk wêrtroch de tekst fan de foarstelling nei in noch heger nivo tild waard. De gearwurking mei Tseard Nauta en Sjoukje Heins- Scheltema wie rûnút geweldich. Tseard komponearre spesiaal foar dizze foarstelling muzyk. De muzyk dy’t spile waard troch Tseard en Sjoukje soarge foar in grutte  yntinsivearring fan de foarstelling. De sjongteksten, dy’t Tseard ek skreau, binne fan in bysûndere kwaliteit. Sjoukje is in hiel beskieden persoan, dy’t in oergryslik protte yn har mars hat. Sy is akkuraat en hiel opbouwend yn har wize fan omgean mei minsken, om sa de kwaliteit omheech te krijen. Koartsein in feest om mei elkoar oan dizze produksje te wurkjen.
Trochdat Jan Arendz en Marijke Geertsma al hiel folle foarstellingen tegearre makke en spile ha, is der in geweldich goeie bân fan fertrouwen. Dat nimt elkenien mei yn it fertrouen dat alles úteinlik ek organisatoarysk goed komme sil.
De foarstelling It spoar werom wie yn alle opsichten in bysûnder projekt .

De gearwurking mei safolle ferskate dissiplines. De útsûnderlik lokaasje. De reaksjes fan it publyk. It faakst hearden wy nei ôfrin: “Yndrukwekkend en ontroerend, ik bin der stil fan, ik moat even bekomme…” In hiele protte minsken koene it ferhaal fan Sally de Jong net.
Der waard ek in oare kant beljochte fan de nasjonale oarlochshistoarikus Lou de Jong.

Wy binne grutsk mar foaral ek hiel tankber en wit hoe bliid mei it feit dat der safolle Fûnsen en Stichtingen fertrouwen ha yn Stichting J&Mteaterwurk en dat sy ree wiene finansjele stipe te jaan, sadat de plannen wurklikheid wurde koene.

Op 17 maaie wie der in algemiene feestlike ôfsluting yn kafee Bergsma. Fan de 120 frijwilligers wiene der ûngefear 100 dy’t it bywennen!
Genietsjend fan in bakje kofje en oranjekoeke waard by it íén en oar stilstien en waard elkenien betanke troch Jan Arendz en Marijke Geertsma.
Der waard ôfsluten mei it lied ‘We’ll meet again..’ en mei in roas as tank ôfskie nommen fan dizze geweldige groep minsken dy’t it mei mooglik makken om It spoar werom te realisearjen en der sa’n grut sukses fan te meitsjen.

In befêstiging, dat de foarstelling It spoar werom mear wie as allinne moai of goed, mar dat de foarstelling ek rekke en dingen losmakke is te lêzen yn inkele fan de protte reaksjes dy’t wy krigen. 

‘Fêste Grûn is in herstochtelik fehaal oer leafde en feroaring.’

Renate, in sjoernaliste út ‘e stêd, krijt troch in ûngelok mei de auto kontakt mei Rein, in boer fan it plattelân.
Rein is widner en wrakselt mei de problematyk fan it hjoed-de-dei ‘boerwêzen’ en de opfolging fan de pleats, dy’t al generaasjes lang yn de famylje is.
Renate is troud en wrakselt mei de feroaringen yn har wurk en har thússituaasje.

‘Troch de eagen fan de oar sjogge sy op ‘e nij nei harren eigen libben’.

Mei dizze foarstelling reizgen sy de kafees en kroegen by del yn Fryslân. Ferhalen oer ryk en earm, frijsinnich en tsjerks, dûmny’s en dokter, begraffenissen, oer lytse negoasje, boeren, opskepperij:
koartsein kroechferhalen. Sadwaande giene de gearstallers nei in noflik petear en in bakje mei in DVD en skript riker wer op hûs oan.

Foar de bijdragen fan Sterk Staaltsje waard op 20 juli dan ek it earste bûsboekje oan Jan en Marijke oanbearn. It is in prachtich bûsboekje 2024 wurden: ‘stjerrende wier, heite!’

It libben fan de Fryske boer Pier Donia ( berne 1480 yn Kimswert) krijt in tragyske omslach as syn pleats yn ‘e brân stutsen wurdt en syn gesin dêrby omkomt. Dit hat alles te krijen mei de politike situaasje fan dy tiid yn Fryslân. Pier wurdt razend en smeit syn ploech om ta in grut swurd om dêrmei syn fijjanden te befjochtsjen en hy slagget der yn om oanfierder te wurden fan in grut leger, wêrmei hy fjochtet foar de ûnôfhinklikhheid fan Fryslân.